myhappycity的部落格

要俾一包河內咖啡粉手信給舊同事，約了佢今天下午茶，我就先做運動，約了佢3點在銅鑼灣Caffe Kenon (地址︰銅鑼灣堅拿道東29號地下A舖). 之前在跑馬地返工，有時都會同同事來這兒食午餐，但我們稱為團購的午餐已經冇咗了，大家各散東西。

我2點經過餐廳，冇乜人，我約了我朋友三點，所以我先去時代廣場買野，約2點50分才回去！睇下餐牌先，三點鐘有下午茶，有三文治、pizza... 最後我食炸魚柳加薯角，選了紅茶，我朋友就要鬆餅加咖啡，因為佢話一杯咖啡是$28，鬆餅加咖啡都是同一價錢，真係超級留意價錢！

在Sofitel club lounge check-out後落了大堂，車未到，職員幫我打電話去問，等多5分鐘，司機唔係接我機那位。我訂的airport-transfer都是接機那間，回程是US$12，公司係Hanoi airport transfer，我去Halong Bay 都是在這間訂 (Website: http://www.hanoitransferservice.com/hanoi-airport-transfer-service-394/)，機場接送來回程都是這間最為便宜 .

在酒店對出一段路都有點塞車，過了Westlake情況好多了，不過就遇上超大雨，重加埋行雷，我到達內排機場是9:15分，勁多人checkin，有冇做到online checkin都是排同一條隊，這個安排好像有點亂吧，我們做網上checkin是為了可以在機場慳點時間！排咗成15分鐘才完成了checkin. 我回程的行李才14.9kg，真的買咗好少野囉！

鬧鐘響，對，6:45起身，要執行李同食早餐。打開窗簾，出面天陰陰，但就未有下雨，唔知一間會唔會落雨呢？

進入市區後發現電單車很多，都不會讓的，所以車子行駛得有點慢，由機場到酒店約1小時，主要時間在塞在舊區中。

一入Splendid Star Suite Hotel職員已經知道我是誰了，有水果及果汁，同時會辦理入住手續，介紹河內的景點。全酒店就只有10間房，在舊樓的，沒有電梯，我的房間更是在最頂601，行樓梯的日李就像回到我在澳門的時候。幸好行李會有人幫我提上樓，我實在拿不動上咁多層樓梯，其實我訂之前就已經知道是冇電梯，我是接受到的！

來到復活節假期第一天，出發去河內，家下屋企樓下係地鐵，去坐機場快綫方便多了，我又一早買了來回票，HK$116，應該好平，唯一壞處在中環要走一段路才到機鐵站。我冇在香港站checkin，直接去機場checkin. 我有想過在網上搞，昨晚上過去越南航空公司的官網，得4個位，又冇我心水的位置，今朝11點幾再上去已經做不到網上checkin. 有人話咁情況有機會是超賣，亦有機會可以upgrade.我係成功checkin，不過冇upgrade，分配的位置是10C，已經冇窗口位置了，我的位置是頭等後一行。

再重覆我是對河內的認識是零，規劃行程可以咁講，靠旅遊書同blogs. 旅遊書可去買，但近年我都少買，特別介紹越南的書會包埋其他城市，可能只是有十多頁有關河內，我先選擇去書局企在書架前睇，這個情況好普遍吧，我諗好多人都試過！

另一個方法是我非常善用學校的資源，即係在大學圖書館search，重可以查埋其他大學有冇，條件你要是學生(或者join咗佢library)，在俾咗學費的情況下，我係有上網搵，俾我搵到一本書叫越南旅遊通，出版社香港 : 郭良蕙新事業有限公司, 2012，不過有人借咗，我唯有hold，真的對不起那個借書人，因為我要提早還書一事了！同樣情況都出現在我身上，幸好趕得切在旅行後還，原本是5月還的！

復活節及清明節假期有5天，由4月3-7日，咁長假期，當然由是旅遊旺季。香港人就是越來越愛外遊，任何假期都唔會放過！

機票

自從去了日本後，我最近愛食了拉麵，好紅的一蘭、一風堂我未去，我個人對排隊興趣不大的，有一個星期一放工我就一個人去了公司附近那間無名。

同其他拉麵店一樣都是開放式廚房，我接近7點到，店內大約有7,8人，晚飯時間都唔算多。平時我六點幾經過，有時見入面一個人都無的。

 要在中環同朋友食午餐，想要好坐點，唯有去貴一點的餐廳，人少啲，又唔會俾人趕。

本來我們約了在Hard Rock, 不過包場派對，只可坐戶外，又唔會提供set lunch ，我唔肯，行上一條街，去了Bombay Dreams(地址︰雲咸街77號嘉兆商業大廈4樓)。這兒之前應該是吃咖哩，家下改了，空間感幾好，靠窗有高枱，不過我坐中間，兩個人坐了四人炲！