復活節及清明節假期有5天，由4月3-7日，咁長假期，當然由是旅遊旺季。香港人就是越來越愛外遊，任何假期都唔會放過！
機票
以前都有過復活節假期去旅行的經歷，機票價錢當然唔會平，試過去台灣要二千多(現在淡季的價格才八百多元)，所以提早及格價是好重要，sky scanner係好好的發明，可以搜索那兒訂的機票最便宜。
早在2014年11月我已經在sky scanner搵機票，已經唔會再選台灣，因為去了十幾次，東京一月都會去，結果顯示了越南航空公司的機票是$1,751，完全符合我要二千元以下的要求！由於我冇搵過有關資料，所以我係唔知道淡季的價錢是多少，可能香港航空或港龍減價時會係更平，但我去的是假期，應該唔會有平，價錢都是我心水，那就買啦！
簽證
衝動完買機票，我才想起要簽證，我在2015年3月弄簽證是$580(好像有時會調整)，領事館在灣仔道，星期六唔開，我是在辦公時間走去的，好彩老闆肯放人！可以先上網download表格，或是在領事館都有得填，記得要附一張相片，上到去排隊交表俾錢，過三日可以上去拿，這是最普通的，快證好像要一天，但價錢好貴。
機票加簽證都用咗我二千多，其實可以買二千幾蚊的機票但係唔駛簽證，這是我今次旅行計劃失敗的點(當然在旅行後我認為河內是非常值得一去的地方)！
酒店
對河內的零認識，在搵酒店這方面，最好的方法是用wego及hotelscombined，hotelscombined的板面我是較為喜歡，容易一點，可是有些訂房網站只會在wego有，所以建議兩個都要用。我曾經試過訂釜山樂天酒店，本來是約HK$2000一晚的，用wego搵，有間酒 店在訂房網出錯價錢，因為韓元實在太多零了，結果是HK$200一晚，更加是deluxe房，我訂了四晚，用咗HK$800住了五星酒店，這個經驗真難得。
講回河內酒店，我一共要訂四晚，我最初計劃是住在Old Quarters舊區，住兩間酒店，每間兩晚，這區的酒店房價約由HK$150-600一晚！這是計劃，好多變數的，因為我發現河內五星的酒店都不是太貴，又心動想住五星，最想是Sofitel Legend Metropole Hanoi，但減價後最平的房都要HK$1600，報紙介紹是好吸引，真的太貴了，我放棄了！
Old Quarters中我最想住是Church Hotel系列，睇相裝修好靚，價錢又不貴，我在ratestogo訂了，不過後來expedia更平，又cancel再訂。計劃又變，到2月時，expedia出了個promotion code，訂房減US$100，當然要達到某些條件，這類code好快用完，即刻要行動，搵咗一陣，睇埋tripadvise, 我訂了三晚近教堂的Splendid Star Suite Hotel – honeymoon room。根本我是住兩晚，但住兩晚價錢meet唔到，唯有訂三晚才可以，咁重平過訂兩晚，就在這時，我又有爭扎了，第3晚我訂的是InterContinental Hanoi Westlake，在湖邊，那到底要唔要cancel，當然price係貴好多一晚，有得free cancel,人生就會想再選！最後我酒店的安排如下︰
3/4 – 5/4 (2 nights) US$14.52 - Splendid Star Suite Hotel – honeymoon room
訂了三晚，但只會住兩晚，在expedia.com訂
5/4 – 6/4 (1 night) HKD$1,074 - InterContinental Hanoi Westlake - Overwater Pavilion
在那個priceline訂的，原因InterContinental這些國際集團在hotels.com, Agoda都冇得用Code，而且free cancel會貴好多，但在priceline又可以用promotion code and free cancel，包埋早餐，平過其他的網站，只是貴過用員工價訂，但員工價唔包早餐又唔包早餐，計返用priceline訂最好。
我爭扎要唔要住這間成個月了，到底係唔係浪費了之前那間訂3晚！
6/4 – 7/4 (1 night) US$166.32 - Sofitel Plaza Hanoi - Junior Suite King Bed
整個行程最貴的一晚，在accor.com做40%off 時訂的，計落約HK$1,314，冇得做free cancel.
如果我全部酒店都是住Old Quarters那邊的，可能四天酒店約HK$1,000-1,200已經ok, 只是我豪住酒店的病又發作。
留言列表
