myhappycity的部落格

再重覆我是對河內的認識是零，規劃行程可以咁講，靠旅遊書同blogs. 旅遊書可去買，但近年我都少買，特別介紹越南的書會包埋其他城市，可能只是有十多頁有關河內，我先選擇去書局企在書架前睇，這個情況好普遍吧，我諗好多人都試過！

另一個方法是我非常善用學校的資源，即係在大學圖書館search，重可以查埋其他大學有冇，條件你要是學生(或者join咗佢library)，在俾咗學費的情況下，我係有上網搵，俾我搵到一本書叫越南旅遊通，出版社香港 : 郭良蕙新事業有限公司, 2012，不過有人借咗，我唯有hold，真的對不起那個借書人，因為我要提早還書一事了！同樣情況都出現在我身上，幸好趕得切在旅行後還，原本是5月還的！

上網搵資料當然是非常方便的方法，好像BLOGS又不多，年份又不是太近，我估計河內變化不大，所以2010年的blogs都照睇，主攻是睇酒店同餐廳！

Tripadvisor都是好用，因為佢會有排名，我可以搵SPA，同埋餐廳，睇下別人的comments. 我在河內做SPA同部分餐廳都是在tripadvisor推薦的。

結果我規劃了要做一次SPA，心水包括Mido, Essence, SF Spa，這幾間都是排名較為高. 酒店的SPA價錢較為貴，除非無得選擇才會去做吧！

餐廳有間叫Halia Restaurant同埋The Note Coffee，都是我的target, 特別是The Note Coffee，好有特式！必食法國菜，春卷及牛河

博物館我會去婦女博物館，另一個胡志明博物館我就冇興趣，商場都唔近舊區，唯有放棄！夏龍灣一日遊都是我心水，要報Local tour，都用咗唔少時間在網上格價!

我暫定的行程︰

第一天︰The note coffee，水上木偶劇，舊城區

第二天︰夏龍灣

第三天︰Opera House，自助餐，SPA，Westlake，婦女博物館

第四天︰在兩間酒店hea, Halia Restaurant，胡志明博物館對出廣場

第五天︰回程