close
要俾一包河內咖啡粉手信給舊同事，約了佢今天下午茶，我就先做運動，約了佢3點在銅鑼灣Caffe Kenon (地址︰銅鑼灣堅拿道東29號地下A舖). 之前在跑馬地返工，有時都會同同事來這兒食午餐，但我們稱為團購的午餐已經冇咗了，大家各散東西。
我2點經過餐廳，冇乜人，我約了我朋友三點，所以我先去時代廣場買野，約2點50分才回去！睇下餐牌先，三點鐘有下午茶，有三文治、pizza... 最後我食炸魚柳加薯角，選了紅茶，我朋友就要鬆餅加咖啡，因為佢話一杯咖啡是$28，鬆餅加咖啡都是同一價錢，真係超級留意價錢！
炸魚柳有點雪味，薯角是較為軟身，最正是坐了兩小時都唔會趕人走，在銅鑼灣好難得。今天CAFE的電腦壞了，所以都要用人手計錢，而且入面成日有烏蠅飛來飛去，有點過份！
文章標籤
全站熱搜
留言列表
