close
又是一個人吃晚餐的時候,下午已經搜索了食乜,放工做完運動我就決定去這間拉麵Jo Ramen Jo吃晚餐!
餐廳在利園附近,那邊的食店開得越來越多,成為新食區。大家搵食唔在只在軒尼斯道一帶,聽聞大坑更多食店,我搵日都要去試一試。
大約八點入到去,一望餐廳是超細,我一個人,坐了4人枱,同兩個外國人搭枱!侍應馬上奉上水同餐牌,我的選擇是豬骨拉麵加蛋,麵要硬,以前一向多會選軟身的,我想試下唔同!
等了約十分鐘就有得食,份量不選多,我做完運動都唔想吃太多,唔食肥死!湯底味道較為濃,不過唔太油,叉燒有兩大片,好冧,只是有點肥。其實有餃子,但太大份,又冇人share,放棄。
侍應好有禮貌,我要掛衣服就即刻幫手,另外有兩個人坐了四人枱,再有三個客人入嚟,佢哋都好有禮儀請人轉位。不大的店面,我見那兩個侍應都好忙,由落單,清潔,送菜同結帳都是他們負責。
這一餐吃了$90,唔駛加一的!
(地址︰銅鑼灣加路連山道3號地舖)
文章標籤
全站熱搜
留言列表